Tashkilotchilar tomonidan Bird Photographer of the Year 2020 (“Yilning eng yaxshi qush suratkashi – 2020”) deb nomlangan tanlovda eng ajoyib tarzda olingan qushlarning fotosuratlari namoyish etildi va g‘oliblar taqdirlandi.
Kuvaytlik fotograf Majid Al-Zaabi tojdor baklan qushlari aks etgan “Kunning botishi” portreti uchun Gran-pri sovrindori bo‘ldi.
Britaniyalik fotograf Jeyms Xadsonning “Mandarin abstraksiyasi” surati “Ijodiy obrazlar” nominatsiyasiga ko‘ra bosh mukofotni qo‘lga kiritdi.
Chexiyalik Magdalena Strakovoyning fotosurati “Bog‘ va shahar qushlari” nominatsiyasida birinchi o‘rinni egalladi.
Avstraliyalik Jorjine Steytler “Eng yaxshi portfolio” nominatsiyasida “Parvozda” surati bilan g‘olib bo‘ldi.
Niderlandiyalik fotograf Rulof Molenaar “Qushlarning harakati” nominatsiyasi bo‘yicha sovrindor deb topildi.
Tanlovning “Eng yaxshi oq-qora surat”i nemis fotografi Robert Sommerning “Bo‘sh raqam” asariga nasib etdi.
“Detallarga e’tibor” nominatsiyasi bo‘yicha isroillik fotosuratchi Moshe Koenaning “Mukammal yashirinish” surati g‘olib chiqdi.
Yana bir isroillik suratkash Gadi Shmila “Qushlar parvozda” nominatsiyasida uchib ketayotgan xudxud qushi tasvirlangan surati bilan yutuqqa ega bo‘ldi.
“Ilhomlantiruvchi uchrashuv” nominatsiyasi bo‘yicha muallif Geyl Bissonning “Uyga qaytish” surati eng yaxshi ish deb topildi.
17 yashar britaniyalik Adam Leyk Devonshirdagi ko‘l oqqushi muhrlangan surati bilan “Yilning eng yosh fotosuratchisi” nominatsiyasiga sazovor bo‘ldi.
Mavzuga doir:
- Suratkash daraxtdagi ukkini rasmga oldi. Uni ko‘rish uchun biroz ter to‘kishga to‘g‘ri keladi (foto)
- Amerikalik ayol qushlar uyasiga kamera o‘rnatdi. Endi u yerda yuzlab qushlar rasmga tushmoqda (foto)
- O‘ychanlik, hayrat, quvonch. Jonivorlar ham his-tuyg‘ularini ifoda eta olishining isboti — suratlarda
Izoh (0)