AOKA huzuridagi shtabda tashkil etilgan brifingda Toshkent shahar transport boshqarmasi boshlig‘i Anvar Jo‘rayev yaqin 3 oyda Toshkent shahrida jamoat transporti yo‘nalish tarmog‘i optimallashtirilishini ma’lum qildi.
“Yaqin kunlarda jamoat transporti yo‘nalish tarmog‘ini optimallashtirish belgilangan edi. Mana, metropoliten faoliyati tiklandi. Optimallashtirish yaqin 3 oyda amalga oshirishi belgilangan. Har bir yo‘nalishni ochish, qisqartirish, o‘zgartirish, yopish haqida alohida e’lonlar orqali yo‘lovchilarga yetkaziladi”, — deydi mutaxassis.
Bundan tashqari, Jo‘rayev “Toshshahartransxizmat” va Toshkent metropoliteni tomonidan avtomatlashtirilgan to‘lov tizimi tashkil etilgani, yo‘lovchilarga imkon qadar elektron to‘lov tizimidan foydalanish tavsiya qilinishini bildirdi. Elektron to‘lov kartalarini Toshkent shahridagi 89 ta oylik yo‘l chiptalarini sotuvchi shoxobchalar va barcha metropoliten kassalaridan sotib olish mumkin.
Mavzuga doir: Toshkentdagi avtobuslarga elektron to‘lovlarni qabul qilish uchun validatorlar o‘rnatilmoqda
Eslatib o‘tamiz, Toshkent shahridagi jamoat transportining barcha turlari, shu jumladan, Toshkent metropolitenining yerosti qismi hamda yo‘nalishli taksilar 15-avgustdan o‘z faoliyatini qayta tikladi.
Izoh (0)