Xorijdagi o‘zbekistonliklarni evakuatsiya qilish bo‘yicha navbatdagi charter reyslar jadvali tasdiqlandi

Respublika maxsus komissiyasining qaroriga muvofiq, xorijdagi o‘zbekistonliklarni olib kelish uchun 17-avgustdan 30-avgustga qadar amalga oshiriladigan navbatdagi charter reyslarning jadvali tasdiqlandi. Bu haqda Transport vazirligi xabar berdi.

Ma’lum qilinishicha, 17-avgustdan 30-avgust kunlari davomida 23 ta reys orqali xorijdagi fuqarolar evakuatsiya qilinadi.

17—23-avgust kunlariga belgilangan reyslar jadvali:

• 17-avgust. Seul—Toshkent—Seul;
• 17-avgust. Toshkent—Moskva—Samarqand;
• 18-avgust. Toshkent – Qozon—Samarqand;
• 18-avgust. Toshkent—Sankt-Peterburg – Samarqand;
• 18-avgust. Toshkent—Moskva—Samarqand;
• 19—20-avgust. Toshkent—Seul—Toshkent;
• 20-avgust. Toshkent—Sankt-Peterburg—Toshkent;
• 21-avgust. Toshkent—Istanbul—Toshkent;
• 21-avgust. Toshkent—Qozon—Toshkent;
• 21-avgust. Toshkent—Dubay—Toshkent;
• 22-avgust. Toshkent—Vladivostok—Toshkent;
• 23-avgust. Toshkent—Moskva—Toshkent.

24—30-avgust kunlariga belgilangan reyslar jadvali:

• 24-avgust. Seul—Toshkent—Seul;
• 24-avgust. Toshkent—Novosibirsk—Toshkent;
• 24-avgust. Toshkent—Minsk—Toshkent;
• 25-avgust. Toshkent—Qozon—Toshkent;
• 26-avgust. Toshkent—Moskva—Toshkent;
• 27-avgust. Toshkent—Seul—Toshkent;
• 27—28-avgust. Toshkent—Nyu-York—Toshkent;
• 27-avgust. Istanbul—Toshkent—Istanbul;
• 28-avgust. Toshkent—Qozon—Toshkent;
• 29-avgust. Toshkent—Moskva—Toshkent;
• 30-avgust. Toshkent—Sankt-Peterburg—Toshkent.

Avvalroq O‘zbekistonga xorijiy sayyohlarni olib keladigan charter reyslarga subsidiya ajratilishi to‘g‘risida xabar berilgandi.Eslatib o‘tamiz, O‘zbekiston hukumatining qarori bilan 16-martdan boshlab barcha xalqaro reyslar, shu jumladan, Toshkent—Nyu-York—Toshkent yo‘nalishida muntazam yo‘lovchi qatnovlari to‘xtatilgan edi. 1-avgust kuni Maxsus komissiyasi qarori bilan Amerika va Kanadadan bir guruh vatandoshlar maxsus reys bilan Toshkentga olib kelingan. Ta’kidlanishicha, so‘nggi uch oy ichida koronavirus pandemiyasi tufayli qiyin ahvolda qolgan barcha o‘zbekistonliklar AQSh va Kanadadan evakuatsiya qilingan.