16-avgust kuni Toshkent vaqti bilan soat 02:58 da Qirg‘iziston hududida zilzila sodir bo‘ldi. Bu haqda Favqulodda vaziyatlar vazirligi Respublika seysmoprognostik monitoring markazi xabar berdi.
Ma’lum qilinishicha, zilzila Toshkent shahridan 405 kilometr janubi-sharqiy yo‘nalishda, Qirg‘iziston hududida joylashgan nuqtada yuz bergan. Zilzila epitsentrida magnituda 4,6 ballga teng, o‘chog‘i 10 kilometr chuqurlikda joylashgan.
Yer osti silkinishlar kuchi Andijon shahrida (epimarkazgacha 149 kilometr) 3 ballni, Farg‘ona shahrida 3 ballni (epimarkazgacha 169 kilometr), Namangan shahrida 2 ballni (epimarkazgacha 208 kilometr) tashkil etgan.
Eslatib o‘tamiz, 5-avgust kuni O‘zbekistonda ikkita zilzila kuzatilgan (soat 13:18 da 3 ballik va 14:32 da 2 ballik) edi, 13-avgustda esa Tojikistonda zilzila kuchi ham O‘zbekistonning qator viloyatlarida sezilgan.
Izoh (0)