“Manchester Siti” “Barselona” hujumchisi Lionel Messini sotib olish uchun har qanday shartlarga roziligini bildirgan.
Mirror nashrining yozishicha, ingliz klubi Messi hamda uning sobiq ustozi Xosep Gvardiolaning birlashishi jamoa o‘yinini ijobiy tomonga o‘zgartirishiga ishonmoqda. Ta’kidlanishicha, “shaharliklar” argentinalik futbolchi uchun istalgan summani berishga tayyor.
Avvalroq Messi “Barselona” Chempionlar Ligasi chorak finalida “Bavariya”ga yirik hisobda mag‘lub bo‘lgach, jamoadan ketmoqchi ekani to‘g‘risida xabarlar tarqalgandi. Biroz muddat oldin esa uning xizmatlariga “Inter” qiziqish bildirgani to‘g‘risida xabar berilgandi.
Ma’lumot uchun, Messining katalon klubi bilan amaldagi shartnomasi 2021-yilgacha mo‘ljallangan.
Mavzuga doir:
- “Bavariya”ga qarshi o‘yindagi mag‘lubiyat Lionel Messi uchun faoliyatidagi eng yirigi bo‘ldi
- Lionel Messi Chempionlar Ligasida rekord o‘rnatdi
- Lionel Messi Milandan uy sotib oldi. Futbolchiga “Inter”dan qiziqish bor
- Moliyaviy inqiroz, yoshlarga ishonch va Messisiz kelajak. Yangi “Barselona” qanday bo‘ladi?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)