Tojikiston aholisi 2023-yilga kelib 10 million 129 ming kishini tashkil qiladi. Bu haqda 2020-yilning iyul oyi oxirida respublika hukumati tomonidan tasdiqlangan 2021–2023-yillarga mo‘ljallangan asosiy makroiqtisodiy ko‘rsatkichlar prognozida ma’lum qilingan, deya xabar bermoqda Asia-Plus.
Ta’kidlanishicha, 2020-yil boshida respublikada 9 million 452 mingdan ortiq kishi istiqomat qilishi aniqlangan. Kelgusi yil boshiga kelib mamlakatning doimiy aholisi soni 9 million 688 ming kishiga yetishi va aholining o‘sishi 2,5 foizni tashkil qilishi taxmin qilinmoqda.
Prognozlarga ko‘ra, respublikada 2022-yilga kelib 9 million 931 ming kishi, 2023-yilga kelib esa 10 million 129 ming kishi istiqomat qiladi. Shuningdek, ma’lum qilinishicha, 2019-yili 2018-yilga nisbatan aholining o‘sishi 2,2 foizni tashkil etgan.
Mamlakatda eng ko‘p fuqaro Xatlon viloyatida istiqomat qiladi. Viloyatda 3 328 000 kishi ro‘yxatdan o‘tgan.
Izoh (0)