Maymunga termos sovg‘a qilishdi. U qutini ochib, yo‘riqnomani o‘qiy boshladi (video)

Jorj laqabli maymunga termos sovg‘a qilishdi. Maymun sovg‘ani shoshib ochib, yo‘riqnomani o‘qiyotgani aks etgan video internetda ommalashdi, deb xabar beradi “RIA Novosti”.

Videoni basketbolchi Reks Chepmen ijtimoiy tarmoqqa joylagan va u allaqachon ikki million marta tomosha qilingan.

Videoda Jorjning quti olgani va uni hayajon bilan ochgani ko‘rsatilgan. U quti ichidagi termosni ko‘rganda jilmaygan va kameraga qaragan. Maymun sovg‘ani sinchkovlik bilan ko‘radi, uni hidlaydi va qopqog‘ini ochadi. Barchaning xursandchiligiga qarab, yo‘riqnomani o‘qiy boshlaydi.

https://twitter.com/RexChapman/status/1291514990130876418

Foydalanuvchilar qiziquvchan maymundan xursand bo‘ldi. Kimdir bu videoni bir hafta ichida ko‘rgan eng yaxshisi, deya izohladi.