“Inter” 10 yil deganda Yevrokuboklar yarim finaliga chiqdi. So‘nggisida klub Chempionlar Ligasida g‘olib bo‘lgandi

Milanning “Inter” klubi Yevropa Ligasi chorak finalida Leverkuzenning “Bayer”ini mag‘lubiyatga uchratdi (2:1).

Shu tariqa milanliklar Yevropa Ligasi / UEFA Kubogi yarim finaliga 8-marta chiqdi. Bu musobaqa rekordi hisoblanadi.

Shuningdek, “Inter” 2009/10-yilgi mavsumdan keyin ilk bor Yevrokuboklar yarim finalida o‘ynaydi. O‘n yil avval Milan shahri vakili Joze Mourinyo qo‘l ostida Chempionlar Ligasida g‘olib chiqqandi.

“Inter” final yo‘llanmasi uchun kechadigan o‘yinda “Shaxtyor” — “Bazel” uchrashuvi g‘olibi bilan o‘ynaydi.