Buxoroda avtomobil old g‘ildiragining chiqib ketishi oqibatida yuzaga kelgan yo‘l-transport hodisasi oqibatida ikki kishi halok bo‘ldi. Bu haqda Tergov departamenti xabar berdi.
Ma’lumotlarga ko‘ra, 10-avgust kuni, taxminan, soat 15:30 larda fuqaro U.B. ishonchnoma asosida boshqaruvida bo‘lgan “Moskvich” rusumli avtomashinani G‘ijduvon tumani “Sohibiyon” MFY hududidan o‘tuvchi ichki yo‘l, ya’ni Sohibiyon qishlog‘idan Sho‘rcha qishlog‘i tomonga boshqarib ketayotgan bo‘lgan.
Avtomashinaning old tomon g‘ildiragi chiqib ketishi oqibatida u boshqaruvni yo‘qotib harakat yo‘nalishi bo‘yicha yo‘lning chap tomonidagi ariqqa ag‘darilib ketgan. Natijada avtomashinada yo‘lovchilari 50 yoshli A.I. va 44 yoshli G‘.R. hodisa sodir bo‘lgan joyda vafot etgan.
Hozirda mazkur holat yuzasidan G‘ijduvon tumani IIO FMB huzuridagi Tergov bo‘limi tomonidan tergovga qadar tekshiruv harakatlari olib borilmoqda.
Avvalroq Jizzaxda Lada Largus hamda Isuzu yuk mashinasi ishtirokida sodir bo‘lgan YTH oqibatida yengil mashinadagi ikki nafar yo‘lovchi vafot etgani to‘g‘risida xabar berilgandi.
Mavzuga doir:
- Qashqadaryoda “Kamaz” haydovchisi qishloq hududidagi ichki yo‘lda 7 yoshli qizchani urib yubordi. Qizaloq voqea joyida halok bo‘lgan
- Namanganda Matiz haydovchisi velosiped boshqarib ketayotgan fuqaroni urib yubordi. Jabrlanuvchi shifoxonada vafot etdi
- Navoiyda haydovchilik guvohnomasi bo‘lmagan fuqaro mashinasida piyodani urib yubordi. Jabrlanuvchi shifoxonada vafot etdi
Izoh (0)