“Bolaning begonasi bo‘lmaydi” deyishadi. Aksariyat hind aktrisalari o‘z farzandi bo‘lsa-da, bola asrab olishga qaror qiladi.
Ravina Tandon
90-yillarning mashhur aktrisasi Ravina Tandon ota-onasiz qolgan amakivachchasining Puju va Chayya ismli qizlarini asrab olgan. O‘sha paytda aktrisaning yoshi 21, qizlar esa 11 va 8 yoshda edi. 2004-yil fevral oyida aktrisa Anil Tadani bilan turmush qurdi va ularning Rashu ismli qizi va Ranbir ismli o‘g‘li dunyoga keldi. Ravinaning ikki katta qizi Puja va Chayya voyaga yetib, oila qurgan. Ravina 39 yoshga kirganda buvi bo‘ldi — asrab olgan katta qizi Puja Jeydonni dunyoga keltirdi. 2019-yilda esa aktrisaning ikkinchi nabirasi Rudru tug‘ildi.
Sushmita Sen
1994-yil “Koinot go‘zali” sovrindori bo‘lgan mashhur aktrisa yolg‘iz ona. Shuningdek, Zee Cine Award, IIFA Award, Filmfare Award, Rajiv Gandhi Award va boshqa ko‘plab mukofotlar egasi ikki qiz — Rene va Alisani tarbiyasiga olgan. Aktrisa 24 yoshida ona bo‘lganini eng dono qaror, deb biladi. Qizaloq Reneni 2000-yilda asrab olgan. Hozir u 20 yoshda. Alisani 10 yoshligida, 2010-yil qiz qilib oldi. Hindistonda qonunga ko‘ra, bir jinsdagi bittadan ortiq bolani asrab olish mumkin emas. Ammo Sushmita oxirigacha kurashdi, sud, hokimiyat idoralarini bosib o‘tdi va g‘olib bo‘ldi. U qizlarni uzoq vaqt yolg‘iz tarbiyaladi, lekin bir necha oy avval o‘zining ikkinchi yarmi Rohmanni uchratdi va bolalarni birgalikda tarbiya qilyapti.
Priti Zinta
Priti Zinta bir emas, ikki emas, naqd 34 qizning onasi. Aktrisa 2009-yildan buyon Rishikesheda joylashgan “Ona mo‘jiza” maktabini qo‘llab-quvvatlab keladi. Ushbu maktabda aholining kam ta’minlangan qatlamlarining muhtoj bolalari tahsil oladi. Priti qizlarning ovqatlanishi, o‘qishi va tarbiyasi uchun barcha xarajatlarni bo‘yniga olgan. Aktrisa qizlari haqida: “Biz bir joyga yig‘ilganimizda qanday ajoyib tuyg‘u paydo bo‘lishini siz tasavvur etolmaysiz”, — deydi. Aktrisa turmushga chiqib, AQShda yashayotgan bo‘lsa-da, maktabga yordam berishda davom etyapti.
Sanni Leone
2017-yil aktrisa Sanni Leone va turmush o‘rtog‘i Daniyel Ueber bilan Nisha ismli ikki yashar qizni asrab oldi. Oradan bir yil o‘tib, uning egizak — Noy va Asher o‘g‘illarini surrogat ona dunyoga keltirdi. Shunday qilib, Sanni bir yilda uch farzandning onasi bo‘ldi. Ular farzandlarini juda ham yaxshi ko‘radi va Instagram orqali ularning rasmini bo‘lishadi.
Shobxana
Bxaratanatyam raqqosasi va Malayalam aktrisasi 2010-yil olti oylik bolani asrab oldi. Asrab olish marosimi Krishnan ibodatxonasida bo‘lib o‘tgan.
Nilam Kotxari
O‘zining ajoyib filmlari bilan ko‘plab tomoshabinlar qalbini zabt etgan Nilam Kotxari ancha oldin kinodan voz kechgan va dizaynerga aylangandi. Hozirda esa ona rolini ijro etyapti. Nilam aktyor Samir Soniga turmushga chiqdi, ammo juftlik farzand ko‘rmadi. Ular 2013-yil Axana ismli qizni asrab olgan.
Izoh (0)