Bugun,

  • USD 11095.31
  • RUB 173.84
  • EUR 10772.44

Belarus prezidentligiga nomzod Svetlana Tixanovskaya ozodlikda va u hozirda Litvada. Bu haqda Litva TIV rahbari Linas Linkyavichyus o‘zining Twitter’dagi sahifasi orqali ma’lum qildi.

Foto: Twitter / Linas Linkevicius

Foto: Twitter / Linas Linkevicius

Svetlana Tixanovskayaning shtabi 10-avgust kuni kechasi u Belarus Markaziy saylov komissiyasiga borganidan so‘ng yo‘qolib qolgani to‘g‘risida ma’lum qilgandi. Kechga yaqin Tixanovskaya aloqaga chiqqan, biroq qayerda ekanligini oshkor etmagan.

Tixanovskayaning matbuot kotibi Anna Krasulinaning ma’lum qilishicha, u Markaziy saylov komissiyasiga tashrifidan so‘ng “qaror qabul qilgan” va mamlakatdan chiqib ketgan. Krasulina qanday qaror to‘g‘risida gap ketganiga izoh bermagan.

Eslatib o‘tamiz, Belarusda 9-avgust, yakshanba kuni prezident saylovi bo‘lib o‘tdi. Poytaxt Minskda prezident saylovidan keyin norozilik namoyishi boshlangan. Belarus Markaziy saylov komissiyasining dastlabki hisob-kitoblariga ko‘ra, prezidentlik saylovlarida respublikaning amaldagi rahbari Aleksandr Lukashenko 80,23 foiz ovoz to‘plagan. Muxolifot nomzodi Svetlana Tixanovskaya esa rasmiy ma’lumotlarga ko‘ra, 9,9 foiz ovoz olgan.

Keyinroq Svetlana Tixanovskaya o‘tkazilgan saylovlarda o‘zini g‘olib deya hisoblashini ma’lum qildi va Lukashenkoga muzokaralar o‘tkazish taklifini berdi. Shuningdek, u saylovlarning natijasi yuzasidan Markaziy saylov komissiyasiga norozilik bildirdi.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)