Andijon viloyati Asaka tumanidagi “Sharq haqiqati” massivi rahbari Sh.A. yer ajratib berishni va’da qilib, fuqarodan 15 ming AQSh dollari olayotganda qo‘lga tushdi. Bu haqda “Daryo”ga Bosh prokuratura matbuot xizmati xabar berdi.
Ma’lum qilinishicha, Sh.A. o‘zi rahbarlik qilayotgan massiv hududidan Asaka tuman hokimligi mansabdor shaxslari orqali issiqxona qurish uchun 2 gektar yer maydoni ajratib berish evaziga fuqaro B.A.dan 30 000 AQSh dollari talab qilgan.
Pulning teng yarmini B.A.ning yashash uyida sanab olayotganda Bosh prokuratura huzuridagi departamentning viloyat boshqarmasi va DXX xodimlari tomonidan jinoyat ustida qo‘lga olingan.
Holat yuzasidan firibgarlik va pora berishga qasd qilish alomatlari bilan jinoyat ishi qo‘zg‘atilib, Sh.A. gumondor tariqasida hibsga olingan.
Mavzuga doir:
- Farg‘onada masjid faoliyati uchun ruxsatnoma olib berish evaziga 39 mln so‘m pora olgan adliya xodimiga jinoyat ishi qo‘zg‘atildi
- Tanzila Norboyeva: SES mutasaddilari 1,75 mlrd so‘mdan ortiq mablag‘ni talon-toroj qilgan
- Buxoroda oilaviy yotoqxonadan uy berish evaziga 4 ming dollar so‘ragan mansabdor jinoyat ustida qo‘lga olindi
Izoh (0)