Belarusda 9-avgust kuni prezident saylovi bo‘lib o‘tdi. Dastlabki rasmiy ma’lumotlarga ko‘ra, unda so‘nggi 26 yildan beri mamlakatga rahbarlik qilib kelgan Aleksandr Lukashenko 80 foiz ovoz bilan oldinda bormoqda. Ayni vaqtda, mustaqil ekzit-pol ma’lumotlari saylovda Lukashenkoning eng asosiy raqibi — Svetlana Tixanovskaya katta ustunlikka erishganini ko‘rsatmoqda.
Ovoz berish jarayoni yakuniga yetishi bilan, Belarusning yirik shaharlarida norozilik namoyishlari boshlandi. Poytaxt Minskda militsiya namoyishchilarga qarata rezina o‘qlar, suv otuvchi mashinalar va yorug‘lik-shovqinli granatalardan foydalandi. Shunga qaramay, minglab odamlar ko‘chalarni tark etmayapti, tarqalmayapti. Ayrim joylarda namoyishchilar barrikadar qurishga kirishgan.
Mavzuga doir: Belarus militsiyasi saylov uchastkalari oldida to‘plangan odamlarni ushlashni boshladi
Mavzuga doir:Minskda namoyishchilar chiqindi baklaridan barrikadalar qurishni boshladi. Ularga qarshi rezina o‘qlar otilmoqda
Mavzuga doir: Minsk markazida avtozak namoyishchilar ustiga yurdi
Izoh (0)