“Yuventus” muddatidan avval ishdan bo‘shatilgan Mauritsio Sarriga qancha mablag‘ to‘lagani ma’lum bo‘ldi

Turinning “Yuventus” klubi bosh murabbiy Mauritsio Sarri bilan shartnomani bekor qilgani tufayli unga 20 million yevro tovon puli to‘laydi. Bu haqda Football Italia xabar berdi.

Klubning Sarri bilan amaldagi shartnomasi 2022-yilgacha mo‘ljallangan edi. Uning yillik maoshi esa 5,5 million yevroni tashkil qilgan. Ta’kidlanishicha, bitim muddatidan avval bekor qilingani uchun “Yuventus” italiyalik mutaxassisga 20 million yevro tovon pulini to‘lab beradi.

Eslatib o‘tamiz, “Yuventus” Chempionlar Ligasi 1/8 final bosqichida “Lion” to‘sig‘idan o‘ta olmagani uchun Sarrini iste’foga chiqarib, uning o‘rniga Andrea Pirloni bosh murabbiy etib tayinladi.

Sarri o‘tgan mavsum avvalida “Yuventus”ga bosh murabbiy bo‘lgandi. Klub u bilan A Seriyada g‘olib chiqdi.