Rossiyaning “Aeroflot” aviakompaniyasi koronavirus pandemiyasi tufayli kirish yopiq bo‘lgan mamlakatlarga avgust oyida qo‘yilgan bir qancha reyslarni bekor qildi. Bu haqda kompaniyaning veb-saytida e’lon qilindi.
“‘Aeroflot’ 31-avgustgacha xalqaro yo‘nalishlarga muntazam qatnovlarni bekor qilish to‘g‘risida e’lon qiladi.
Xalqaro reyslar dasturini moslashtirish to‘g‘risidagi qaror tegishli mamlakatlardagi mavjud epidemiologik cheklovlarni hisobga olgan holda qabul qilindi”, — deyiladi kompaniya axborot xizmati xabarida.
“Aeroflot” reyslar bekor qilingan shaharlar ro‘yxatini ma’lum qildi. Ro‘yxatda Toshkent, Buxoro va Samarqandga rejalashtirilgan reyslar ham bor.
Bundan tashqari, Aqtau, Aqtobe, Alikante, Olmaota, Amsterdam, Atirau, Afina, Boku, Bangkok, Barselona, Bayrut, Berlin, Bishkek, Bolonya, Bryussel, Budapesht, Burgas, Buxarest, Valensiya, Varshava, Vashington, Vena, Venetsiya, Verona, Vilnyus, Gavana, Gamburg, Gannover, Gonkong, Guanchjou, Dehli, Drezden, Dublin, Dyusseldorf, Yerevan, Zagreb, Iraklion, Qarag‘anda, Kishinyov, Kopengagen, Ko‘stanay, Qizilo‘rda, Larnaka, Lion, Lissabon, Los-Anjeles, Lyublyana, Madrid, Mayami, Malaga, Marsel, Milan, Myunxen, Neapol, Nitssa, Nur-Sulton, Nyu-York, Oslo, O‘sh, Palma-de-Mayorka, Parij, Pekin, Praga, Pxuket, Riga, Rim, Rimini, Saloniki, Sofiya, Split, Stokgolm, Tallin, Tel-Aviv, Tenerife, Tokio, Ulan-Bator, Frankfurt, Xanoy, Xelsinki, Xoshimin, Syurix, Shanxay, Shtutgart, Chimkent shaharlarigacha bo‘lgan reyslar ham bekor qilingan.
Kompaniyaning ta’kidlashicha, 2020-yilning 1-may kuniga qadar chipta sotib olgan va 31-avgustgacha uchib ketishi belgilangan yo‘lovchilar vaucherni rasmiylashtirishi yoki pullarini qaytarib olishi mumkin.
Mavzuga doir:
Izoh (0)