Fransiya terma jamoasi sobiq hujumchisi Nikolya Anelka o‘zi haqida suratga olingan “Anelka. Tushunarsiz” hujjatli filmida Madridning “Real” klubidagi faoliyatini yodga oldi.
Yulduzlik nima ekanini “Real”ga o‘tganimdan keyin bilganman. Bu menga yoqmagandi.Fransiyalik futbolchi 1999/2000-yilgi mavsumda “Real” safida to‘p surgan va jamoa bilan Yevropa Chempionlar Ligasida g‘olib chiqqan.Ilk matbuot anjumanidan keyin kiyinish xonasiga yo‘l oldim. U yerga birinchi bo‘lib kirdim, biroq o‘yinchilar yonimga kelar va shunday derdi: “Bu meni joyim”. Javob qaytarardim: “Uzr. Bu yerga o‘tirsam bo‘ladimi?”. Keyin boshqasi kelib joy uniki ekanligini aytardi.
Xuddi shu holat yigirma martaga yaqin ro‘y berdi. O‘shanda o‘ylab qoldim: “Bu yerda nima qilyapman? Adovat bo‘ladi”. O‘sha kuni boshdan kechirganim qo‘rqinchli tushning boshlanishi edi, xolos.
Ko‘p narsalarni qurbon qilishga to‘g‘ri keldi va men buni anglash uchun juda yoshlik qilardim. Katta bosim bor edi. Har kuni gazetada mavzusiga aylanardim. Maydonda ishlar yaxshi ketmadi. Shaxsiy hayotim ham bo‘lishi mumkin emas edi. Hech narsa qila olmasdim.
Yoshing 20 da, sen esa ko‘chada yura olmaysan. Qilayotgan barcha ishing muhokama qilinadi. Sotib olgan hamma narsang gazetada e’lon qilinadi.
Nikolya Anelka, sobiq futbolchi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)