Argentinalik 87 yoshli sobiq futbolchi Umberto Maskio “Barselona” yetakchisi Lionel Messini boshqa afsonaviy futbolchilar bilan solishtirdi.

Foto: “Barselona”

“Men di Stefano, Pele, Maradona, Kroyflarning barchasini ko‘rganman, biroq Messi eng yaxshisi. Men hatto ularning bir nechtasiga qarshi o‘ynaganman ham. Biroq ishontirib aytaman: Messi tengsiz. Vaqtida ular buyuk futbolchi bo‘lgan, biroq zamonaviy futbol tezligi umuman boshqacha. Shunchaki Messi urayotgan gollarga bir yaxshilab e’tibor bering, buni siz ham tushunib olasiz. Leo maydonda ko‘p ham yugurmaydi, ammo agar to‘p unga kerak bo‘lsa qolganini ko‘raverasiz. To‘p xuddi uning oyog‘iga yopishib qolgandek ko‘rinaveradi. Men yuqori tezlikka ega juda ko‘p futbolchilarni ko‘rganman, biroq agar ularga to‘p berilsa, sekinlashib qolishishi ham bor gap edi. Leo bilan esa buning teskarisi”, — deydi Maskio.

Lionel Messining jarima maydoni tashqarisidan urgan top-10 golini tomosha qiling (video)

2019-yilgi mavsum Messi “Barselona” safida La Ligada 33 o‘yin o‘tkazib, 25 gol va 23 ta golli uzatmaga mualliflik qildi. U Primerada 2019/20-yilgi mavsumning eng yaxshi to‘purari va assistentiga aylandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!