Prezident Vladimir Putin Rossiya musulmonlarini Qurbon hayiti bayrami bilan tabrikladi. Bu haqda Kreml matbuot xizmati xabar berdi.
“Musulmonlar mamlakatimizning madaniy xilma-xilligini saqlashga salmoqli hissa qo‘shib, jamiyatda millatlararo totuvlikni mustahkamlashga ko‘maklashib kelmoqda”, — deydi Rossiya prezidenti.
Shuningdek, u mazkur bayram taqvodorlik, adolat va rahmdillik kabi yuksak ma’naviy ideallarga sadoqat ramzi ekanligini ta’kidlagan.
Eslatib o‘tamiz, Misrdagi “Dorul Ifto” fatvo hay’ati tomonidan hijriy 1441-yil Zulhijja oyining birinchi kuni milodiy yil hisob bo‘yicha 22-iyul kuniga to‘g‘ri kelgani e’lon qilingan edi. Shu munosabat bilan 31-iyul Zulhijja oyining 10-kuni bo‘lib, islom olamidagi eng ulug‘ bayram Qurbon hayitining birinchi kuni etib belgilangan.
Koronavirus pandemiyasi sabab Rossiyada hayit namozlarini o‘qishga cheklov joriy etilgan. Moskvada Qurbon hayiti namozi faqat jome masjidida o‘qilishi va unda faqatgina diniy idora vakillari ishtirok etishi belgilangan edi.
Mavzuga doir:
- Shavkat Mirziyoyev O‘zbekiston xalqini Qurbon hayiti bilan tabrikladi
- “Bugun ish joyida qolishga majbur bo‘layotgan barchaga ming rahmat”. Saida Mirziyoyeva Qurbon hayiti bilan tabrik yo‘lladi
- O‘zbekiston musulmonlari idorasi pandemiya vaqtida Qurbon hayiti namozi musulmonlar zimmasidan soqit bo‘lganini ma’lum qildi
Izoh (0)