O‘zbekiston hukumatning tegishli farmoyishiga asosan “Saxovat va ko‘mak” jamg‘armasi orqali ijtimoiy himoyaga muhtoj oilalarga moddiy yordam tarqatiladi, deb xabar beradi O‘zA.

Foto: “Daryo”

Ma’lum qilinishicha, buning uchun Inqirozga qarshi kurashish jamg‘armasi mablag‘lari hisobidan jami 150 milliard so‘m ajratilishi belgilangan.

Ushbu mablag‘ hududlar kesimida quyidagicha taqsimlandi:

  • Qoraqalpog‘iston Respublikasi — 10 milliard;
  • Andijon viloyati — 10 milliard;
  • Buxoro viloyati — 10 milliard;
  • Jizzax viloyati — 5 milliard;
  • Qashqadaryo viloyati — 20 milliard;
  • Navoiy viloyati — 5 milliard;
  • Namangan viloyati — 10 milliard;
  • Samarqand viloyati — 10 milliard;
  • Surxondaryo viloyati — 10 milliard;
  • Sirdaryo viloyati — 5 milliard;
  • Toshkent viloyati — 10 milliard;
  • Farg‘ona viloyati — 10 milliard;
  • Xorazm viloyati — 10 milliard;
  • Toshkent shahri — 25 milliard.

Hududlardagi sektor rahbarlari 2 kun muddatda ushbu mablag‘larni aholiga tarqatilishini ta’minlaydi.

Avvalroq Qashqadaryoda 20 mingta ehtiyojmand oilaga bir million so‘mdan naqd pul tarqatilgani haqida xabar berilgandi.

Eslatib o‘tamiz, “Saxovat va ko‘mak” jamg‘armasi hisobidan 30 mingta muhtoj oila kuz—qish mavsumida oziq-ovqat va dori-darmon bilan ta’minlanishi to‘g‘risida xabar berilgandi.

Aprel oyida “Xavfsiz yordam” loyihasi doirasida O‘zbekistondagi ijtimoiy himoyaga muhtoj ming nafar ayolga 1 million so‘mdan o‘tkazib berilgan edi.