Qirg‘izistonda o‘tgan bir sutka ichida 28 kishi koronavirus va pnevmoniyadan vafot etdi, Qozog‘istonda esa COVID-19 qurbonlari soni 793 kishiga yetdi

Qozog‘istonda o‘tgan bir sutka ichida yana 760 kishida koronavirus aniqlandi, shuningdek, 784 kishida kasallikning belgisiz holati qayd etilgan. Umumiy hisobda bir sutka davomida COVID-19 qayd etilgan bemorlar soni 1544 kishini tashkil etgan, deb xabar beradi Tengrinews.

Koronavirusga chalinish bo‘yicha yangi holatlar quyidagi hududlarda aniqlangan:

• Nur-Sulton — 250 / 136;
• Olmaota — 271 / 162;
• Chimkent — 51 / 35;
• Aqmo‘la viloyati — 51 / 28;
• Aqto‘be viloyati — 22 / 8;
• Olmaota viloyati — 73 / 50;
• Atirau viloyati — 58 / 42;
• Sharqiy Qozog‘iston viloyati — 193 / 75;
• Jambil viloyati — 52 / 35;
• G‘arbiy Qozog‘iston viloyati — 80 / 41;
• Qarag‘anda viloyati — 129 / 40;
• Kostanay viloyati — 65 / 42;
• Qizilo‘rda viloyati — 52 / 21;
• Mang‘istov viloyati — 49 / 9;
• Pavlodar viloyati — 50 / 17;
• Shimoliy Qozog‘iston viloyati — 63 / 5;
• Turkiston viloyati — 35 / 14.

Butun mamlakat bo‘ylab koronavirusga chalinganlar soni 86 192 kishiga yetgan. Hozirga qadar 54 404 kishi sog‘aygan. Rasmiy statistikada vafot etganlar soni 793 kishini tashkil etmoqda.Qirg‘izistonda 29-iyul holatiga ko‘ra, koronavirus va shifoxonadan tashqarida yuqtirilgan pnevmoniya bilan kasallanish bo‘yicha yana 668 ta holat qayd etildi, deb xabar beradi Kloop.

Koronavirusga chalingan yangi kasallarning 118 nafari Bishkek shahri hisobiga to‘g‘ri kelmoqda. Shuningdek, quyidagi hududlarda ham koronavirus bilan kasallanish bo‘yicha yangi holatlar qayd etilgan:

• Chuy viloyati — 82;
• O‘sh shahri — 80;
• O‘sh viloyati — 50;
• Issiqko‘l viloyati — 157;
• Jalolobod viloyati — 115;
• Norin viloyati — 15;
• Talas viloyati — 24;
• Botken viloyati — 27.

Mamlakatda pandemiya boshlanganidan buyon COVID-19 va kasalxonadan tashqarida yuqtirilgan pnevmoniyaga chalinganlarning umumiy soni 34 512 kishiga yetgan. Koronavirus va pnevmoniya bilan kasallanganlarga oid statistika umumiylashtirilgach, ularning soni ortib ketgan.

Bundan tashqari, Sog‘liqni saqlash vazirligi tomonidan o‘tgan bir sutka ichida 18 kishida koronavirus va pnevmoniyadan vafot etgan qayd qilingan. Respublikada pandemiya boshlanganidan buyon vafot etganlar soni 1347 kishiga yetdi. Hozirga qadar 23 343 nafar bemor sog‘aygan.

Jons Hopkins universiteti ma’lumotlariga ko‘ra, Afg‘onistonda koronavirus bilan kasallanganlar soni 36 368 kishiga yetgan.

Butun mamlakat bo‘ylab koronavirusdan hozirga qadar 25 358 bemor tuzaldi. Umumiy hisobda 1270 kishi kasallik oqibatida vafot etgan.

Tojikistonda koronavirus bilan kasallanganlar soni 7276 kishiga yetdi, deb xabar beradi “RIA Novosti”.

Mamlakat Sog‘liqni saqlash vazirligining ma’lumotlariga ko‘ra, respublikada o‘tgan sutka davomida yana 41 kishida koronavirus aniqlangan.

Mamlakatda o‘tgan bir sutka ichida 37 kishiga shifoxonadan javob berilgan. Tojikistonda hozirga qadar 60 kishi COVID-19 qurboniga aylangan, 6065 bemor (83,3 foiz) sog‘aygan.

O‘zbekistonda 29-iyul soat 10:00 holatiga ko‘ra koronavirusga chalinganlar soni 22 169 taga yetdi. Hozirgacha mamlakatda 12 265 kishi koronavirus infeksiyasidan sog‘aygan, SSV hisobi bo‘yicha 127 kishi COVID-19 asoratlaridan vafot etgan.