Amerikaning 27 shtati aholisi pochta orqali noma’lum o‘simlik urug‘lari solingan posilkalarni olishni boshladi. Fuqarolarning so‘zlariga ko‘ra, ular ushbu urug‘larni buyurtma qilmagan, deb xabar beradi The New York Times.
Foto: The New York Times
Ta’kidlanishicha, urug‘ solingan banderollar Xitoy va O‘zbekistondan bormoqda.
Mahalliy amaldorlar fuqarolardan ushbu urug‘larni Qishloq xo‘jaligi vazirligiga yuborishni, shundan so‘ng, qo‘llarni yaxshilab yuvishni so‘ramoqda.
Taxminlarga ko‘ra, “o‘simlik spami” bilan Xitoydagi noqonuniy onlayn-platformalar shug‘ullanmoqda. Ular amerikaliklarga tovarlarini yuborib, keyin esa ular nomidan internetda ijobiy izohlarni e’lon qiladi.
Ko‘plab amerikaliklarning manzillarini esa ochiq manbalar orqali bemalol topish mumkin.
