Farg‘ona viloyati Quva tumanidagi Karkidon suv ombori hududida 5 gektar yer turistik obyektlarga investitsiya kiritish sharti bilan sotuvga qo‘yildi, deb xabar qildi Turizmni rivojlantirish davlat qo‘mitasi matbuot xizmati.
Yer uchastkalari Vazirlar Mahkamasining 2018-yil 3-dekabrdagi Ekoturizmni rivojlantirish chora-tadbirlari to‘g‘risidagi qaroriga muvofiq sotilmoqda.
Hudud 12 ta uchastka (lot)ga bo‘lingan. Mehmonxonalar, motellar, dam olish va ko‘ngilochar maskanlar, restoranlar, suv sporti obyektlari, plyaj zonasi va iskala (pristan) qurish rejalashtirilgan. Majmuaning umumiy qiymati 27,8 milliard so‘mni tashkil etadi, loyihada 100 ga yaqin ish o‘rinlari yaratiladi.
Kimoshdi savdosiga qo‘yilgan yer uchastkasi Quva viloyati markazidan 12,7 kilometr masofada Toshkent–O‘sh Farg‘ona–Andijon trassasida va Farg‘ona shahridan 34,1 kilometr masofada joylashgan.
Matbuot xizmatining xabar berishicha, kimoshdi savdosi 29-iyulda yakunlanishi rejalashtirilgan.
Izoh (0)