Berlinda tulki mahalliy aholining 100 juftdan ortiq oyoq kiyimlarini o‘g‘irlab ketdi

Berlinda tulki mahalliy aholining 100 juftdan ortiq oyoq kiyimlarini o‘g‘irlab ketdi. Bu haqda Kristian Mayer ismli fuqaro o‘zining Twitter’dagi sahifasi orqali e’lon qildi.

Mazkur hodisa Berlin janubi-g‘arbidagi Selendorf tumanida sodir bo‘lgan. Mahalliy aholi kechasi terrasada turgan krossovkasining bir poyi yo‘qolganini payqab qolgan.

Erkak krossovka yo‘qolgani haqida “Nebenan.de” mahalliy internet-resursiga yozib qoldirgan. Ma’lum bo‘lishicha, okrugning ko‘plab aholisida shu kabi muammo yuzaga kelgan.

Oradan bir muncha vaqt o‘tgach Mayer bir juft ko‘k shippakni sudrab ketayotgan tulkini ko‘rib qolgan. Erkak tulki orqasidan yashil hududga qadar bir soatga yaqin kuzatib borgan. Bog‘ ichida erkak hayvon tomonidan o‘g‘irlangan ko‘plab oyoq kiyimlar joylashgan yashirin inni topib olgan.

Ta’kidlanishicha, internet orqali hozircha uch juft oyoq kiyimning egasi topilgan.