Toshkent viloyati Chirchiq shahrida Spark rusumli avtomobilni olib qochgan shaxs ushlandi, deya xabar beradi Tergov departamenti.
Qayd etilishicha, 2020-yilning 14-iyul kuni soat 20:30 da muqaddam transport vositasini olib qochish jinoyatini sodir etgan xavfli retsidivist 28 yoshli O.O. mast holda, Chirchiq shahar 4-kichik nohiya 20-uyning yon tomonida eshiklari ochiq holatda turgan, o‘ziga oldindan tanish bo‘lgan 20 yoshli S.U.ga tegishli Spark rusumli avtomashinani old haydovchi o‘rindig‘iga o‘tirib avtoulov egasi S.U.ning ko‘z o‘ngida, talonchilik yo‘li bilan ochiqdan ochiq olib qochib ketgan.
Olib borilgan tezkor-qidiruv harakatlari natijasida O.O. olib qochilgan Spark rusumli avtomashinani Toshkent shahar Yashnobod tumani hududida boshqarib yurgan vaqtida IIB xodimlari tomonidan ushlangan.
Mazkur holat yuzasidan Chirchiq shahar IIB huzuridagi Tergov bo‘limi tomonidan Jinoyat kodeksining 267-moddasi 1-qismi (Transport vositasini olib qochish) bilan jinoyat ishi qo‘zg‘atilgan.
Tergov harakatlari natijasiga ko‘ra, O.O.ga nisbatan ayb e’lon qilinib, qamoqqa olish tarzidagi ehtiyot chorasi qo‘llanilgan. Jinoyat ishi ayblov xulosasi bilan mazmunan ko‘rib chiqishlik uchun jinoyat ishlari bo‘yicha Chirchiq shahar sudiga yuborilgan.
Mavzuga doir:
- Andijonda 22 kishi ishtirokidagi katta bezorilikning oldi olindi
- Qashqadaryoda fermerlarga chirigan kartoshka urug‘ligini sotgan shaxslarga jinoyat ishi qo‘zg‘atildi
- Andijonda uch yigit o‘zganing Samsung A-10 telefonini zo‘rlik bilan tortib oldi. Ular 8 yildan 10 yilgacha qamalishi mumkin
- O‘zbekistonda 2 mingdan ortiq fuqarolarning 1,7 mln dollarini qo‘lga kiritgan kripto-firibgar mamlakatdan chiqib ketgani ma’lum bo‘ldi
Izoh (0)