COVID-19 kasalligini yuqtirib olgani xabar qilingan Braziliya prezidenti Jair Bolsonaruning topshirgan tahlillari “manfiy” natija ko‘rsatdi va u koronavirus infeksiyasidan tuzaldi. Bu haqda Bolsonaruning o‘zi Twitter’da ma’lum qilgan.
Bolsonaruning xabar qilishicha, PZR testi “manfiy” natija ko‘rsatgan. U post ostiga o‘zining stol ustida hammasi zo‘r ekanligini ishora qilib, testni ko‘tarib turgan suratini yuklagan.
65 yoshli siyosatchi iyul boshida koronavirus yuqtirib olgandi. U isitmasi ko‘tarilgani va holsizligini aytgan. Test esa Bolsonaruning COVID-19 yuqtirib olganini tasdiqlagandi. Mamlakat prezidentida pnevmoniya boshlangani aytilgandi.
Braziliya prezidenti kasallanganguniga qadar koronavirus infeksiyasining xavfli ekanini inkor etgan va kasallikni “shamollashga o‘xshash bir dard” deb atagandi. Shuningdek, u mamlakatda koronavirus pademiyasi sabab cheklovlar joriy qilinishiga ham qarshi chiqqan.
Braziliya butun dunyoda koronavirus infeksiyasi bilan kasallanganlar soni bo‘yicha AQShdan keyin ikkinchi o‘rinni egallab turibdi. Mamlakatda 2,28 milliondan ortiq kishi COVID-19 bilan kasallangan.
Izoh (0)