“Inter” bosh murabbiyi Antonio Konte “Barselona” hujumchisi Lionel Messining Milan klubiga safiga o‘tishi mumkinligi haqidagi mish-mishlarga javob berdi.
“Messining transferi haqidagi gap-so‘zlar mutlaqo yolg‘on. Bu bo‘lmag‘ur gaplarga ishonmang. U hatto xayoliy futbolda ham “Inter”ga o‘tmaydi”, — deydi Konte.
Avvalroq 33 yoshli Messining 2021-yilda “Inter”ga o‘tishi va yiliga 50 million yevro maoshli shartnoma imzolashi mumkinligi haqida xabarlar tarqalgandi.
Ma’lumot uchun, Messi “Barselona” tarbiyalanuvchisi hisoblanadi. Uning klub bilan amaldagi shartnomasi 2021-yilning iyuniga qadar amal qiladi.
Joriy mavsum Messi “Barselona” safida La Ligada 33 o‘yin o‘tkazib, 25 gol va 23 ta golli uzatmaga mualliflik qildi. U 2019/20-yilgi mavsumning eng yaxshi to‘purari va assistentiga aylandi.
Lionel Messining “El-Klasiko”lardagi top-5 golini tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)