O‘zbekiston Prezidenti Shavkat Mirziyoyev va Turkiya prezidenti Rajab Toyyib Erdo‘g‘on telefon orqali muloqot qildi, deb xabar beradi Prezident matbuot xizmati.
Muloqot davomida Turkiya yetakchisi O‘zbekiston rahbarining tug‘ilgan kuni bilan samimiy muborakbod etgan.
Qayd etilishicha, suhbatda ikki tomonlama munosabatlar va mintaqaviy hamkorlikning dolzarb masalalari yuzasidan fikr almashildi. Davlat rahbarlari 2020-yil fevral oyida Anqara shahrida o‘tgan oliy darajadagi uchrashuvda erishilgan kelishuvlarni keng ko‘lamli amalga oshirish muhimligini qayd etdi.
Savdo-iqtisodiy va investitsion hamkorlik bo‘yicha qo‘shma loyihalarni ishlab chiqish va amalga oshirishni jadallashtirish maqsadida o‘tkaziladigan hukumatlararo muloqotlarga muhim e’tibor qaratildi.
Shavkat Mirziyoyev Turkiya yetakchisiga pandemiyaga qarshi kurashda ko‘rsatilayotgan ko‘mak uchun minnatdorchilik bildirdi.
Avvalroq Turkiyadan O‘zbekistonga koronavirusga qarshi kurashda yordam berish uchun mutaxassislar kelgani haqida xabar berilgan edi.
Izoh (0)