San-Fransiskolik dizayner Pablo Rosha odamlar bilan tez-tez hazillashib turadi. Masalan, u 2019-yilning noyabrida butun shahar bo‘ylab Apple’ning simsiz AirPods naushniklari tasviri tushirilgan stikerlarni sochib chiqqan. Bunga ishongan ko‘plab insonlar esa ularni yerdan olishga uringan.
Bu safar Rosha odamlardan qushlarga o‘tdi: dizayner qush tasviri tushirilib, ostiga “Qush bo‘lishdan charchadingmi?” deya e’lon yozilgan varaqlarni ko‘chalardagi simyog‘ochlarga yopishtirib chiqdi. Aftidan Rosha ushbu varaqalarga don sepib qo‘ygan ko‘rinadi. Kabutarlar reklamaga uchib kelib, varaqlarni tortishni boshlagan.
https://www.instagram.com/p/CC6LxxuhAbi/
Chetdan qaraganda bu ular xuddi rostan ham qush bo‘lishdan charchab, o‘z hayotini o‘zgartirishni istayotgandek ko‘rinadi.
Video ostiga ko‘pchilik qog‘ozlar kabutarlarga biror zarar yetkazib qo‘ymaydimi, deya xavotirli izoh qoldirgan. Rosha esa kabutarlar qog‘ozni emas, unga yopishtirilgan donlarni cho‘qiyotganini ma’lum qilgan. Nazariy jihatdan qushlar ushbu varaqlardan o‘zlariga in qurishda ham foydalanishlari mumkin.
Izoh (0)