AQSh Harbiy havo kuchlariga tegishli F-15 qiruvchi samolyoti Suriya uzra parvoz qilgan Eronning Mahan Air aviakompaniyasiga tegishli yo‘lovchi samolyotga xavfsiz masofada yaqinlashgan. Bu haqda AQSh Qurolli kuchlari Markaziy qo‘mondonligining rasmiy vakili Bill Urganga tayanib, AP xabar berdi.
“F-15 uchuvchisi Mahan Air’ga tegishli samolyot yo‘lovchilarni tashishga mo‘ljallanganini aniqlagach, u samolyotdan uzoqlashgan. Professional hamrohlik xalqaro standartlarga mos tarzda o‘tkazilgan”, — deydi Urban.
Rasmiy vakilning ta’kidlashicha, qiruvchi samolyot avialaynerdan xavfsiz masofada — 1000 metr uzoqlikda bo‘lgan.
SENTKOM vakilining qo‘shimcha qilishicha, Et-Tanf tumanida joylashgan Amerika harbiy bazasidagi harbiy koalitsiya xavfsizligini ta’minlash maqsadida avialayner vizual ravishda ko‘zdan kechirilgan.
Mavzuga doir: Eron yanvar oyida urib tushirilgan Boeing qurbonlarining yaqinlariga kompensatsiya to‘lashga rozi bo‘ldi
Eron TIV maxsus vakili Abbos Musaviy ushbu ko‘ngilsiz hodisaga izoh berar ekan, Eron samolyoti bilan biror narsa sodir bo‘lsa, bunga AQSh javobgar bo‘lishini ma’lum qilgan. Musaviyning so‘zlariga ko‘ra, Eronning BMTdagi doimiy vakili sodir bo‘lgan voqeadan so‘ng BMT bosh kotibi Antoniu Gutterish bilan uchrashgan.
Izoh (0)