Bugun,

  • USD 10940.05
  • RUB 182.26
  • EUR 11121.65

Braziliyada o‘tgan bir sutka ichida koronavirus bilan kasallanish bo‘yicha rekord qayd etildi. Mamlakat Sog‘liqni saqlash vazirligining ma’lum qilishicha, Braziliyada so‘nggi 24 soat ichida 67 860 kishida koronavirus aniqlangan.

Foto: Reuters

Foto: Reuters

Ushbu ko‘rsatkich mamlakat pandemiya boshlanganidan buyon qayd etilgan eng yuqori raqam hisoblanadi. Bundan oldingi rekord 19-iyun kuni, Braziliyada 54 711 kishida koronavirus aniqlanganida o‘rganatilgan edi.

Kasallarning asosiy qismi (16 777) Braziliyada pandemiya episentri hisoblanayotgan San-Paulu shtatida qayd etilgan. So‘nggi yetti kundan buyon bu yerda kuniga 6,6 mingdan ortiq odamda koronavirus aniqlanayotgan edi.

Shuningdek, mamlakatda o‘tgan bir sutka ichida 1284 nafar bemor COVID-19 qurboniga aylangan. Braziliyada koronavirus oqibatida vafot etganlarning umumiy soni 82 771 kishiga yetdi, hozirga qadar 1,5 milliondan ortiq odam sog‘aydi. Ayni vaqtda 612 605 kishi virusni faol tashuvchi sifatida qayd etilgan.

Sutkalik rekord yangilanganiga qaramay, o‘tgan hafta natijalari bo‘yicha Braziliyada pandemiya boshlanganidan buyon birinchi bor yangi kasallanish holatlari kamaygan. Shu bilan birga, koronavirus sabab yuzaga kelayotgan o‘rtacha o‘lim holatlari yuqori darajada qolishni davom etmoqda.

Avvalroq butun dunyoda koronavirus infeksiyasini yuqtirib olganlar soni 15 milliondan oshgani, shuningdek, 617 902 nafar odam COVID-19 asoratlari oqibatida vafot etgani to‘g‘risida xabar berilgandi.

Eslatib o‘tamiz, iyul oyining boshlarida Braziliya prezidenti Jair Bolsonaru ham koronavirusga chalingan edi.

Izoh
Asosiy yangiliklar
Dunyo
Turkiya lirasi yana rekord darajada tushib ketdi
Mahalliy
Buxoroda ayol yuk poyezdi ostida qoldi. U o‘z joniga qasd qilgan
Mahalliy
O‘zbekiston Xitoyga qovun qoqi va loviya eksport qiladi