“Liverpul” Angliya Premyer Ligasida o‘zining tarixiy rekordini o‘rnatdi.
Premyer Liganing 37-tur uchrashuvida Yurgen Klopp shogirdlari “Chelsi”ni mag‘lub etdi (5:3). Bu mersisayd klubi uchun ushbu mavsum APLdagi 31-g‘alaba bo‘ldi. Squawka xabariga ko‘ra, “Liverpul” 128 yillik tarixida ilk marta bunday natijaga erishgan.
Shuningdek, “Liverpul” APLda o‘z maydonidagi mag‘lubiyatsiz seriyasini 59 ta o‘yingacha uzaytirib oldi. Jamoa 2017-yildan beri o‘z maydonida o‘tkaziladigan uchrashuvlarda yutqazmayapti. Bu Angliya futbolining kuchli to‘rtlik divizionlari tarixidagi uchinchi eng yaxshi seriya hisoblanadi.
Eslatib o‘tamiz, “Liverpul” 31-turdan so‘ng chempionlik masalasini hal qilgan.
Muhammad Salohning APLdagi dastlabki 50 ta golini tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)