Xalq ta’limi vazirligi va Coursera yirik onlayn ta’lim platformasi hamkorligida Coursera Workforce Recovery dasturi doirasida ta’lim tizimida faoliyat ko‘rsatib kelayotgan xodimlar, umumta’lim maktablari o‘qituvchilari va yuqori sinf o‘quvchilari uchun bepul onlayn o‘quv kurslari tashkil etilmoqda. Bu haqda vazirlik matbuot xizmati xabar berdi.
Dastur doirasida maktab bitiruvchilari va yuqori sinf (10—11-sinflar) o‘quvchilarini kelajakda kasbga tayyorlashda qo‘shimcha zarur bilimlarni egallashlari uchun Coursera platformasida mavjud foydali kurslar ro‘yxati shakllantiriladi hamda ular bo‘yicha onlayn ta’lim olishlari ta’minlanadi.
Coursera onlayn kurslarini muvaffaqiyatli tugatgan o‘zbekistonlik o‘qituvchi va o‘quvchilar xalqaro miqyosda tan olingan sertifikatlarga ega bo‘lishi va qo‘shimcha daromad olishi mumkin. Ushbu sertifikat dunyoning rivojlangan davlatlarida, xususan, AQSh, Kanada, Avstraliya va ko‘plab Yevropa mamlakatlarida tan olinadi.
Mazkur kurslarda ta’lim olish uchun tinglovchilardan ingliz tili yoki rus tilini bilish darajasi kamida B1 bo‘lishi talab etiladi.
Izoh (0)