“Atalanta” Italiya A Seriyasining 35-turida “Bolonya”ni 1:0 hisobida mag‘lub etdi.
Shu tariqa bergamoliklarning ushbu mavsumda Italiya chempionatida urgan gollari soni 95 taga yetdi va jamoa 1951/52-yilgi mavsumda 98 ta gol urgan “Yuventus”dan so‘ng eng yaxshi natijaga ega bo‘lib turibdi.
Bungacha eng yaxshi ko‘rsatkich 2016/17-yilgi mavsumda 94 ta gol urgan “Napoli”ga tegishli bo‘lib turgandi. Bir mavsumda ko‘p gol urish borasida rekordchi “Milan” hisoblanadi. Milanliklar 1949/50-yilgi chempionatda 118 bor raqiblar darvozasini ishg‘ol etgan.
Qayd etish joiz, A Seriyaning bir mavsumida 95 ta gol urgan so‘nggi klub “Fiorentina” bo‘lgan, jamoa 1958/59-yilgi mavsumda mazkur natijani qayd etgan.
“Atalanta” 35-turdan keyin 74 ochko to‘plagan holda musobaqa jadvalida 2-pog‘onada bormoqda.
Mavzuga doir:
Izoh (0)