Madridning “Real” klubi La Liga 2019/20-yilgi mavsumida jarima maydoni tashqarisidan yo‘llangan zarbalardan keyin gol o‘tkazib yubormadi.
“Qaymoqranglilar” Ispaniya chempionatida mazkur statistika hisoblanishi boshlangan 2003/04-yilgi mavsumdan beri ushbu natijani qayd etgan ilk jamoaga aylandi.
Mavsum davomida “Real” darvozasiga jarima maydoni tashqarisidan jami 28 marta zarba yo‘llangan. Tibo Kurtua ularning 24 tasini qaytarishga erishgan, yana to‘rtta seyvni Alfons Areolya amalga oshirgan.
“Real” Primera 2019/20-yilgi mavsumida o‘z darvozasidan jami 25 ta to‘p olib chiqdi. Bu musobaqa klublari orasidagi eng yaxshi natija bo‘ldi.
Eslatib o‘tamiz, Zinedin Zidan qo‘l ostidagi jamoa mavsum yakunlariga ko‘ra chempionlikni qo‘lga kiritdi.
“Real”ning La Liga 2019/20-yilgi mavsumidagi top-25 gollarini bu yerda tomosha qiling (ko‘rish).
Mavzuga doir:
Izoh (0)