Bugun,

  • USD 11095.31
  • RUB 173.84
  • EUR 10772.44

Innovatsion rivojlanish vaziri Ibrohim Abdurahmonov ishlatilgan niqoblarni ko‘chaga tashlamaslikka chaqirdi. Bu haqda u vazirlik sayti orqali ma’lum qilgan.

Foto: “Gazeta.uz”

Foto: “Gazeta.uz”

“Jamoat joylarda, ko‘chalarda tartibsiz tashlab ketilgan yoki ishlatilgan himoya niqoblar bilan to‘la axlat qutilariga ko‘zingiz tushgandir. Koronavirus infeksiyasining simptomlarsiz, ya’ni alomatlarsiz o‘tadigan turi ham borligi haqida shifokorlarimiz muttasil bong urmoqda. Shu bilan birga, katta ehtimollik bilan virusli tomchilar qurib, havo orqali ko‘chib yurishi va tarqalishi mumkinligi to‘g‘risida ham xavotirlar paydo bo‘lyapti”, — deydi Abdurahmonov.

Vazir hafsalasizlik bilan uloqtirilgan o‘sha himoya niqoblari qanchadan qancha kishilarga xavf tug‘diradigan infeksiya manbasi bo‘lishi mumkinligini ta’kidlagan.

“Balki jamoat joylariga ishlatilgan niqoblar uchun maxsus dezinfeksiyalovchi konteynerlar qo‘yilishini tashkil qilish kerakdir, lekin nima bo‘lganida ham, minglab yurtdoshlarimiz shunday holatlarga e’tibor berishlari, tozalikka, jamoat joylarida va oilamizda turmushning gigiyenik talablariga va tartiblarga qat’iyan rioya qilishlari kerak bo‘ladi. Har birimiz ishlatilgan niqoblarga befarq bo‘lmasligimiz va ularni iloji boricha dezinfeksiyalab keyin axlat qutilariga tashlashga harakat qilishimiz kasallikni yengishimizda katta yordam berar edi”, — deya qayd etadi vazir.

Shu bilan birga, Ibrohim Abdurahmonov yuzaga kelgan vaziyatni o‘nglashning eng maqbul va xavfsiz chorasi – infeksiya keng tarqalmasligi uchun karantin tadbirlarini kuchaytirish ekanligini ta’kidlagan.

Eslatib o‘tamiz, aprel oyida Ekologiya va atrof-muhitni muhofaza qilish davlat qo‘mitasi Toshkentda tibbiyot chiqindilari — niqob, qo‘lqop va boshqa koronavirusdan himoya vositalarini yo‘q qilish uchun maxsus qutilar o‘rnatilayotgani to‘g‘risida xabar bergandi.

Izoh
Asosiy yangiliklar
Mahalliy
Mudofaa vazirligida qator tayinlovlar amalga oshirildi 
Mahalliy
O‘zbekistondagi uylar zilzilaga bardoshliligiga kim kafolat beradi? Qurilish va uy-joy kommunal xo‘jaligi vazirligi aniqlik kiritdi
Sport
Rasman: Domeniko Tedesko — Belgiya terma jamoasi bosh murabbiyi