“Manchester Siti” “Valensiya” yarim himoyachisi Ferran Torres bilan shartnoma imzolash borasida shaxsiy kelishuvga erishdi.
Eurosport xabariga ko‘ra, “shaharliklar” 20 yoshli Ispaniya yoshlar terma jamoasi futbolchisini uzoq muddatli shartnoma imzolashga ko‘ndirgan. Endi Manchester klubi “Valensiya” bilan transfer summasi bo‘yicha kelishuvga erishishi lozim.
Mundo Deportivo’ga ko‘ra, uning transferi 50 million yevroga baholanmoqda. Ingliz klubi Torresni “Bavariya”ga o‘tib ketgan Leroy Sanening o‘rinbosari sifatida ko‘rmoqda. Avvalroq Torresning xizmatlariga “Yuventus”, “Real” va “Atletiko Madrid” klublarining qiziqish bildirgani to‘g‘risida xabarlar tarqalgandi.
Torresning “Valensiya” bilan imzolagan shartnomasi 2021-yilning yozigacha amal qiladi. U 2019/20-yilgi mavsumda La Liganing 32 uchrashuvida maydonga tushib, 4 ta gol va xuddi shuncha golli uzatmaga mualliflik qildi.
Mabzuga doir: Golden Boy sovriniga da’vogarlar ma’lum bo‘ldi
Izoh (0)