Ozarbayjon prezidenti Ilhom Aliyev mamlakatining Armaniston chegarasida harbiy harakatlarni boshlashga intilmaganligini ma’lum qildi. Bu haqda “Interfaks” xabar bergan.

Foto: Reuters

Hukumat yig‘ilishida u 12-iyulda sodir bo‘lgan voqea tufayli Ozarbayjon harbiylariga dushmanga bir umr esdan chiqmaydigan kuchli zarba berishni buyurganini aytib o‘tdi.

Mamlakat prezidentining so‘zlariga ko‘ra, Armaniston 13 va 14-iyul kunlarida ham provakatsiya qilishda davom etgan. Oqibatda Bokuda yana yo‘qotishlar kuzatilgan va “Qasos” operatsiyasining ikkinchi qismiga o‘tilgan.

Avval Armaniston prezidenti Armen Sarkisyan vaziyatga baho bergandi. U mamlakatining o‘zini va hududini himoya qilishga qodirligi, dushmanga munosib qarshi tura olishini ta’kidlagan.

Armaniston davlat rahbari Ozarbayjonning harakatlarini ochiqchasiga qilingan va yakunda muvaffaqiyatsiz nihoya topgan zo‘ravonlik deb atagan.

Sarkisyanning so‘zlariga ko‘ra chegaradagi vaziyat Armaniston qurolli kuchlarining nazoratiga olingan.

Eski mojaroning yana qaytadan boshlanishi

12-iyulda chegarada boshlangan Armaniston va Ozarabayjon to‘qnashuvi Tovuz viloyatida (Ozarbayjon) va Tavushsk (Armanistonda), shuningdek, Tog‘li Qorabog‘dan bir necha yuz kilometr uzoqlikda Gruziya bilan chegara hududlarda ham kuzatilgan.

Ozarbayjon tomoni bergan ma’lumotlarga asosan 11 nafar harbiy, xususan, bir nafar general halok bo‘lgan. Armaniston harbiylari esa to‘rt kishi vafot etgani va o‘n nafar askar yaralanganini bildirgan.

Ozarbayjon va Armaniston to‘qnashuvlarda bir-birini aybdor qilishda davom etmoqda. Bir nechta mamlakatlar, xususan, O‘zbekiston, xalqaro tashkilotlar chegaradagi vaziyatdan xavotirda ekani va tomonlar muzokara olib borishi lozimligini qayd etgan. Rossiya TIV Boku va yerevanga vaziyatni o‘nglash uchun ko‘mak berishga tayyorligini ma’lum qilgan.

15-iyun chorshanba kuni holatiga ko‘ra chegaradagi vaziyat sokinlashgan.