2020-yilning 13-iyul kuni Milliy gvardiya harbiy xizmatchilari Nukus shahridagi markaziy temiryo‘l va avtotransport vositalari yo‘lining ustidan o‘tuvchi katta ko‘prikda bo‘yniga ip bog‘lab o‘zini osishga harakat qilayotgan fuqaroni ko‘rib qolib, uni bu yo‘ldan qaytargan. Bu haqda “Postda.uz” xabar berdi.
Qayd etilishicha, xodimlarning zudlik bilan ko‘rgan chora-tadbirlari natijasida ushbu fuqaroning hayoti saqlab qolingan. 1977-yilda Nukus shahrida tug‘ilgan I.D. oilaviy muammolar tufayli o‘z joniga qasd qilmoqchi bo‘lgani aniqlandi.
Voqeaga oydinlik kiritish va profilaktik suhbat o‘tkazish maqsadida mazkur fuqaro Nukus shahar IIO FMBga olib borilgan. I.D. tibbiy yordam olishi uchun kasalxonaga yotqizilgan.
Avval 2020-yil 7-iyulda Nukus shahrida taqiqlangan joyda cho‘milib, suvda oqqan bola Favqulodda vaziyatlar boshqarmasi xodimi tomonidan qutqarib qolingani, bola bilan birga suvda oqqan 35 yoshli erkakni qutqarishning imkoni bo‘lmagani, aprel oyida Qoraqalpog‘istonda profilaktika inspektorlarining oilaviy kelishmovchilik tufayli o‘z joniga suiqasd qilmoqchi bo‘lgan va cho‘kayotgan ayolni qutqarib qolgani haqida xabarlar berilgan.
Izoh (0)