O‘ta yengil vazn toifasida UFC chempioni Petr Yan UFC 251 musobaqasida Joze Aldo ustidan qozonilgan g‘alabadan tushgan gonorarni nimaga sarflashini ma’lum qildi.
“Onamga uy qo‘rib beraman. Ulkan oilaviy uy qurmoqchiman. Rejam shunaqa.
Hayotim oxirigacha yetadigan pul ishlab topdimmi? Agar ertaga jang qilmasligimga to‘g‘ri kelib qolsa, o‘zimni eplay olaman. Nima bilan shug‘ullanishimni va o‘zimga mos boshqa ishlarni bilaman.
Biroq hali yoshman va o‘ylashimcha, ayni damda faoliyatimning eng baland cho‘qqisidaman. Muntazam tajriba to‘playapman va ko‘plab jihatlarni boshqacha tushunishni boshlayapman”, — deydi 27 yoshli jangchi.
Ma’lumot uchun, rossiyalik yakkakurashchi ushbu jangdan so‘ng 230 ming dollar ishlab oldi. Uning raqibi Joze Aldo esa 430 ming dollarga ega bo‘ldi.
Izoh (0)