“Daryo” o‘tib borayotgan haftaning qizg‘in bahslariga sabab bo‘lgan tvitlarni diqqatingizga havola etadi.

“Mana shu nuqtadagi Xitoy harbiy bazasi Vashingtonni asabiylashuviga sabab bo‘lishi mumkin”, – Bruno Masanes, siyosatchi.

“Xitoyning Gonkongdagi siyosati haqida: ‘Tanqidiy fikrlash odamlarni tanqid qilishga yoki ularga qarshi hujum qilishga tayyorlash emas’. Pekin Gonkong maktablarida miyalarni chayishga harakat qilyapti. Maqsad esa aniq: Pekinga sodiq va vatanparvar yoshlarni tarbiya qilish”, – Emi Sin, The New York Times nashrining Xitoy bo‘limi muxbiri.

“Donald Tramp qiyin davrlarda bizga rahbarlik qilayotgan eng yomon lider. Bizga haqiqiy yetakchi kerak. Insonlar hayoti xavf ostida”, – Jo Bayden, senator, AQSh prezidentligiga nomzod.

“Shoshilinch. Tramp Uolter Riddagi Milliy harbiy tibbiyot markaziga tashrif buyurdi. U niqobda”, – The Hill nashri.

“AQSh davlat kotibi Singapurning yangi saylangan bosh vaziri Li Syanlun va singapurliklarni  qutladi: singapurliklarni mamlakatda o‘tkazilgan o‘n uchinchi umumxalq saylovi natijalari bilan tabriklayman. Umiz qilamizki, mamlakatlarimiz o‘rtasidagi iqtisodiy, diplomatik va xavfsizlik borasidagi aloqalar davom etadi”, – Mayk Pompeo, AQSh davlat kotibi.

“Srebrenitsadagi genotsid yodga olindi: Srebrenitsadagi genotsidga 25 yil to‘ldi. Bugun butun dunyo himoyaga muhtoj bo‘lganlarning hayotini saqlay olmaganimizni tushunib yetdi. Bu kunni yodga olish, uning takrorlanmasligi uchun kurashish bizning burchimiz. Irqchilik yoki diniy adovat ostida ortiq qon to‘kilmasligi kerak. Genotsid  ortiq qayta takrorlanmasligi kerak”, –  Ursula von der Lyayen, Yevropa Ittifoqi kengashi prezidenti.

“Tramp Rojer Stounning aybini yumshatdi. Qora tanli yigitlar esa panjara ortida qolmoqda. Aynan shuning uchun ham bizga izdan chiqqan irqchilikka asoslangan jinoiy qonunchilikni isloh qiluvchi islohotlar kerak. Tabaqalashtirilgan adolat kerak emas. Boymi, qashshoqmi, qorami yoki oqmi yoki lotin amerikalikmi – bizga qonun oldida barcha barobar tamoyili kerak”, – Berni Sanders, senator, AQSh prezidentligiga nomzod.

“Dunyoning eng zo‘r 10 universiteti:

  1. Oksford universiteti
  2. Kaliforniya texnologiya instituti
  3. Kembrij universiteti
  4. Stenford universiteti
  5. Massachusets texnologiya instituti
  6. Prinston univeristeti
  7. Garvard universiteti
  8. Yel universiteti
  9. Chikago universiteti
  10. London qirollik kolleji

Times Higher Education ma’lumotlari asosida”, – World Index, ta’lim, fan, texnologiyalar borasida tahlillar markazi.

“Filip Yansenning Huawei haqidagi fikrlariga qo‘shilaman. Huawei’ni tanlash ish o‘rinlari va taraqqiyot uchun imkoniyat. Buyuk Britaniyaning manfaatlariga to‘g‘ri keladi. Huawei’ni rad etish istiqbolli kelajakni rad etishni anglatadi va Buyuk Britaniyaning ochiq, biznesga do‘stona mamlakat sifatidagi qiyofasiga hamda biznes uchun shaffof muhit borligiga ziyon keltiradi”, – Lyao Syaomin, XXRning Buyuk Britaniyadagi elchisi.

“Erishilgan barqarorlikni dastlabki alomatlarini mustahkamlash kerak. Oldimizdagi ikki hafta eng muhim hafta bo‘ladi. Hukumat iyul oyida muhtoj oilalarga 42,5 ming tenge to‘lab beradi”, – Qosim Jo‘mart To‘qayev, Qozog‘iston prezidenti.

“Bugun soat ikkigacha Shotlandiyada 302 812 nafar shotlandiyalik koronavirusga test topshirdi. 284 447 nafar insonda koronavirus manfiy, 18 365 nafar insonda musbat natija chiqdi. 2 490 inson koronavirusdan vafot etdi”, – Shotlandiya hukumatining Twitter’dagi sahifasi

“Moldova respublikasining Yevropa Kengashi bilan hamkorlikda umum qadriyatlarni baham ko‘rishni boshlaganiga 25 yil to‘ldi. Birgalikda amalga oshiriligan hamkorlik bilangina biz demokratiya, inson huquqlari, sud tizimi islohoti va boshqa muhim ishlarni amalga oshirishga erisha oldik”, – Oleg Sulya, Moldova Respublikasi tashqi ishlar vaziri.

“Bugun Yevropa Ittifoqi tashqi ishlar vazirlari uchrashib Gongkong qarshi keskin chora ko‘rayotgan xitoylik amaldorlarga nisbatan Magnitski uslubiga o‘xshash – xorijdagi aktivlarni muzlatib qo‘yish, viza olishda cheklovlar o‘rnatish  choralarni tatbiq qilinishini muhokama qiladi”, – Gi Verxofstat, Belgiya qirolligini sobiq bosh vaziri, siyosatchi.

“Efiopiya hukumati 13 kun yoki 300 soatdan beri butun mamlakatni  internet tarmog‘idan uzib qo‘ydi. Bu esa efiopiyaliklarning asosiy inson huquqlarini buzilishidir”, – NetBlocks saytining Twitter sahifasi, internet uzilishlari, bloklanish holatlarini kuzatib boruvchi tashkilot.

“Urugvay bu yil korrupsiyaga qarshi kurashish siyosatini amalga oshirishda birinchi bo‘lgan mamlakat bo‘ldi. Bu esa mintaqaning boshqa mamlakatlariga taqqoslaganda sezilarli o‘sishdir”, – Korrupsiyaga qarshi kurashish va boshqaruv markazi, korrupsiyaga qarshi kurash, boshqaruv samaradorligini tahlil qilish bilan shug‘ullanuvchi nodavlat tashkiloti

Jahongir Ergashev tayyorladi.