O‘zbekistonda yana 231 kishida koronavirus aniqlandi. Kasallanganlarning umumiy soni 13 591 nafarga yetdi
O‘zbekistonda 2020-yil 13-iyul soat 23:30 holatiga ko‘ra, koronavirus infeksiyasi qayd etilgan bemorlar soni 231 kishiga ko‘paydi va 13 591 nafarga yetdi. Bu haqda Sog‘liqni saqlash vazirligi xabar qilgan.
Yangi kasallanish holatlarining barchasi Toshkent shahrida (shundan 146 tasi koronavirusga chalinganlar bilan muloqotda bo‘lib, karantinga olingan fuqarolar orasida, 85 tasi aholi orasida) aniqlangan.
Avval O‘zbekistonda 2020-yil 13-iyul soat 17:00 holatiga ko‘ra, koronavirus infeksiyasi qayd etilgan bemorlar soni 167 kishiga ko‘payib, 13 360 nafarni tashkil etayotgani haqida xabar berilgandi. 13-iyulda jami 594 ta yangi kasallanish holati qayd etilgan va bu yangi antirekord.
13-iyul kun davomida Toshkent shahridagi tibbiyot muassasalarida 164 nafar, Namangan viloyatida 14 nafar, jami 178 nafar bemor kasallikdan tuzalgan.
15-mart O‘zbekistonda koronavirus infeksiyasini yuqtirib olish bo‘yicha ilk holat qayd etilib, epidemiya boshlanganidan buyon 13-iyulga qadar jami 63 nafar bemor COVID-19 asoratlari oqibatida vafot etgan.
Mavzuga doir: O‘zSSV “vaqtida murojaat qilmay, uyida davolangan” degan marhum bemorni kasalxonalar bir necha bor qabul qilmagan
5498 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.
