Birlashgan Millatlar Tashkiloti (BMT) Bosh kotibi Antoniu Guterresh Armaniston va Ozarbayjonni zudlik bilan harbiy harakatlarga chek qo‘yishga chaqirdi, deb xabar berdi “RBK”.

Foto: Global Look Press

Guterresh ikki mamlakat chegarasi bo‘ylab otishmalar, jumladan, og‘ir qurollar qo‘llanilishi haqidagi xabarlardan xavotirda ekanini bildirdi.

Bosh kotib Yevropada xavfsizlik va hamkorlik tashkiloti (YeXHT) Minsk guruhining Tog‘li Qorabog‘ mojarosini hal qilish borasidagi harakatlarini to‘liq qo‘llab-quvvatlashini bildirdi.

Avvalroq Yevropa Ittifoqi (YeI) ilgari Ozarbayjon va Armaniston chegarasida qurolli to‘qnashuvni to‘xtatishga chaqirdi. Yevropa Ittifoqi YeXHT kuzatuvchilari yordamida monitoringni qayta boshlashni taklif qildi. Rossiya Tashqi ishlar vazirligi bundan keyin nizoni kuchayishiga yo‘l qo‘yilmasligini ma’lum qildi va vaziyatni barqarorlashtirishda yordam berishga tayyorligini bildirdi.

Eslatib o‘tamiz, 12-iyul kuni Tovuz viloyatida Armaniston va Ozarbayjon o‘rtasida qurolli to‘qnashuvlar yuz berdi. Ozarbayjon Mudofaa vazirligining ma’lumotlariga ko‘ra, Armaniston Ozarbayjon pozitsiyalariga artilleriya bilan o‘qqa tutgan. Hujum natijasida uch harbiy xizmatchi halok bo‘ldi, yana besh kishi jarohat oldi.

O‘z navbatida Armaniston tomoni bir guruh Ozarbayjon harbiylari UAZ rusumli yuk mashinasida chegarani kesib o‘tishga uringanliklarini va keyin o‘qqa tutganliklarini aytishgan. To‘qnashuv ertasi kuni ham davom etdi.