Xitoyda o‘tgan bir sutka ichida yana 12 kishida koronavirus aniqlandi. Bu haqda Xitoy sog‘liqni saqlash milliy komissiyasiga tayanib, “Gazeta.ru” xabar berdi.

Foto: Central Asia

Ma’lumotlarga ko‘ra, koronavirusga chalinganlar yangi bemorlarning 7 nafarida kasallik belgilari kuzatilayotgan bo‘lsa, 5 nafarida belgisiz o‘tmoqda. Qayd etilishicha, aniqlangan yangi kasallanish holatlarining barchasi chetdan yuqtirilgan.

Bir kun oldin mamlakatda 6 kishida koronavirus qayd etilgani to‘g‘risida xabar berilgandi.

Ayni vaqtda Xitoyda koronavirus bilan kasallanganlar soni 83 594 kishiga yetgan, hozirga qadar 4634 kishi virus qurboniga aylangan.

Janubiy Koreyada esa sutka davomida 44 kishi koronavirusga chalingani qayd etilib, kasallanganlarning umumiy soni 13 417 nafarga yetdi.

Kasalliklar profilaktikasi va nazorati markazi (KCDC) ma’lumotlariga ko‘ra, yangi kasallanish holatlarining 21 tasida virus mamlakatning o‘zida, qolgan 23 tasida chetdan yuqtirilgan.

Sutka davomida 34 kishi sog‘ayib, tuzalganlarning umumiy soni 12 178 nafarni tashkil qilmoqda. Kasallik qurbonlari soni 289 nafarga yetdi.