Futbol bo‘yicha Janubiy Koreya chempionatining 11-turida “Kvanju” 12-iyul, yakshanba kuni “Kanvon” maydoniga safar qildi.

Uchrashuvning 11-daqiqasida Jo Je Van maydon egalarini oldinga olib chiqdi. 41-daqiqada mehmonlarning braziliyalik legioneri Felipe muvozanatni tikladi, biroq taym oxirida Li Je Kvon “Kanvon”ning ikkinchi golini urdi.

Ikkinchi bo‘limda mezbonlar yana ikki bor raqib darvozasini ishg‘ol qilishga muvaffaq bo‘ldi.

Mazkur bahsda o‘zbekistonlik himoyachi Rustam Ashurmatov to‘liq harakat qildi.

Ushbu g‘alabadan so‘ng “Kanvon” ochkolarini 14 taga yetkazib oldi va 6-o‘ringa ko‘tarildi. “Kvanju” (10) esa 10-pog‘onada bormoqda.

Key-Liga

11-tur bahsi

12-iyul, yakshanba

“Kanvon” — “Kvanju” 4:1

Gollar: 1:0 – 11 Jo Je Van, 1:1 – 41 Felipe, 2:1 – 45 Li Je Kvon, 3:1 – 74 Kim Ji Hyon, 4:1 – 83 Jo Je Van.

“Kanvon”: Li Bom Su, Shin Se Ge, Lim Che Min, Kim Yon Bin, Shin Gvan Hun, So Min U, Li Je Kvon, Han Guk Yon, Jo Je Van, Ko Mu Yol, Kim Ji Hyon.

“Kvanju”: Yun Pyon Guk, Li Han Do, Hon Jun Ho, Ashurmatov, Li I Ttim, Kim Chhan Su, Yo Rim, Kim Jon Hvan, Pak Chon Su, Om Von San, Felipe.

Ogohlantirishlar: Han Guk Yon (26), Kim Yon Bin (40), Pak Chon Su (63), Shin Se Ge (70).

11-turdan so‘ng musobaqa jadvali quyidagi ko‘rinishni oldi:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!