Futbol bo‘yicha Italiya A Seriyasining 32-tur o‘yinlari 11-iyul, shanba kuni start oldi.
Turinning “Yuventus” jamoasi o‘z uyida “Atalanta”ni qabul qildi. Dastlab bergamoliklar 16-daqiqada Duvan Sapataning goli evaziga oldinga o‘tib oldi. Ikkinchi bo‘lim debyutida Krishtianu Ronaldu penaltini golga aylantirib, muvozanatni tikladi.
80-daqiqada Ruslan Malinovski “Atalanta”ning ikkinchi golini urdi. Asosiy vaqtning so‘nggi daqiqasida Ronaldu yana bir bor 11 metrlik jarima zarbasidan gol urgan holda “keksa sinyora”ni mag‘lubiyatdan qutqarib qoldi.
“Yuventus” 76 ochko bilan peshqamlik qilmoqda. “Atalanta” (67) esa uchinchi o‘rinni band etgan.
Latsio o‘z maydonida “Sassuolo”ni qabul qildi. Avvaliga hisobda oldinga o‘tib olgan rimliklar yakunda alamli mag‘ulbiyatni qabul qilib oldi. “Roma” esa “Breshiya” maydonida yirik hisobdagi g‘alabani qo‘lga kiritdi.
A Seriya
32-tur bahslari
11-iyun, shanba
“Yuventus” — “Atalanta” 2:2
Gollar: 0:1 – 16 Sapata, 1:1 – 55, penalti Ronaldu, 1:2 – 80 Malinovskiy, 2:2 – 90, penalti Ronaldu.“Yuventus”: Shchensni, Bonuchchi, de Ligt, Danilo (Aleks Sandro, 57), Bentankur, Kuadrado, Rabyo, Matyuidi (Remzi, 82), Bernardeski (Duglas Kosta, 57), Dibala (Iguain, 69), Ronaldu.
“Atalanta”: Gollini, Xatebur, Palomino (Kaldara, 75), Gimshiti, Kastan, Gomes (Malinovskiy, 68), de Ron, Ilichich (Pashalich, 58), Froyler (Tamez, 75), Toloi, Sapata (Muriel, 68).
Ogohlantirishlar: Bernardeski (10), Kuadrado (29), Pashalich (61), Rabyo (73), Xatebur (88).
“Latsio” — “Sassuolo” 1:2
Gollar: 1:0 – 33 Luis Alberto, 1:1 – 52 Raspadori, 1:2 – 90+1 Kaputo.“Breshiya” — “Roma” 0:3
Gollar: 0:1 – 48 Fasio, 0:2 – 62 Kalinich, 0:3 – 74 Zanyolo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)