AOKA huzuridagi shtabda 10-iyul, juma kuni Respublika maxsus komissiyasi qarori yuzasidan bo‘lib o‘tgan brifingda Transport vazirligi matbuot kotibi Navro‘z Ashurmatov temiryo‘l va aviaqatnovlar bo‘yicha izoh berdi.
Anjumanda quyidagi masalalarga to‘xtalib o‘tildi:
- 2020-yil 10-iyulidan 1-avgustga qadar bo‘lgan muddatda “O‘zbekiston temiryo‘llari” aksiyadorlik jamiyatida 5900 ta chipta sotilgan.
- Karantin choralari kuchaytirilib, poyezdlar qatnovi to‘xtatilgani sabab, yo‘lovchilarga sotib olingan chipta pullari qaytariladi.
- Uzbekistan Airways aksiyadorlik jamiyati tomonidan Toshkent—Nukus, Toshkent—Urganch, Toshkent—Termiz yo‘nalishlarida 13-iyuldan 1-avgustga qadar bo‘lgan muddatga 332 ta aviachipta sotilgan.
- Sotib olingan aviachiptalarning amal qilish muddati bir yilgacha haqiqiy hisoblanadi. Epidemiologik vaziyat barqarorlashib aviaqatnovlar tiklanganda, yo‘lovchilar avval sotib olgan chiptalari bilan bemalol parvozlar qilishlari mumkin.
- Toshkent shahridagi avtobuslarda harakatlanish maqsadida iyul oyi uchun sotib olingan oylik yo‘l chiptalari “Toshshahartransxizmat” aksiyadorlik jamiyatining oylik yo‘l chiptalari va jetonlar sotish bo‘limi tomonidan 2020-yilning 1-avgustidan 10-avgustigacha qaytarib olinadi va foydalanilmgan kunlar uchun pul mablag‘lari qaytariladi.
Izoh (0)