AOKA huzuridagi shtabda bo‘lib o‘tgan brifingda Sanitariya-epidemiologiya nazorati davlat inspeksiyasi bosh inspektori Nurmat Otabekov koronavirus infeksiyasi tarqalishiga qarshi profilaktik tadbirlar to‘g‘risida ma’lumot berdi. Jumladan, davlat organlari, tashkilot va korxonalarga tavsiya etilgan tashkiliy-texnik va boshqa tadbirlar rejasini o‘qib eshittirdi:
- gavjum joylar (nazorat punkti, oshxona, hojatxona, kassa oldida, bozorlar, supermarketlarning savdo maydonchalari va hokazo) polga “masofaviy belgi” chizish;
- xodimlar o‘rtasida, shuningdek, ishchilar va mijozlar o‘rtasida ijtimoiy masofani saqlab qolishning iloji bo‘lmaganda himoya oynalari o‘rnatish;
- harorati yuqoriligi aniqlanganlarni yoki o‘tkir respirator virusli infeksiyaning alomatlari aniqlanganda uni ishchilar guruhidan ajratish maqsadida tibbiy izolyatorni tashkil etish;
- kiyinish xonalarida kiyimlarni saqlash joylari soni ishchilar soniga mos kelishi. Kiyim xonalarida kiyimni saqlash usuli yopiq bo‘lishi, ko‘cha va ish kiyimlarini alohida saqlash.
- ishni boshlashdan oldin korxona, muassasa, tashkilot rahbarlari (mansabdor shaxslari) jamoaga koronavirus infeksiyasining oldini olish qoidalari va xodimning sog‘lig‘i yomonlashganda, unga nisbatan jinoiy javobgarlikkacha bo‘lgan ta’sir choralarini qo‘llash mumkinligi haqida ogohlantirishi;
- ish beruvchi ishchida xodimda koronavirus infeksiyasining belgilari COVID-19 (O‘RVI) aniqlangan taqdirda xodimlar/xodimalarni xabardor qilishi;
- xodimlarni xizmat safarlariga yuborishni cheklash;
- xavf guruhidagi yoshi 65 dan oshgan xodimlar, shuningdek, surunkali kasalliklari bo‘lganlar, immuniteti pasayganlar hamda homilador ayollarni koronavirus infeksiyasini karantin davrida o‘z-o‘zini izolyatsiya qilish rejimiga yoki masofaviy ishlash tartibiga o‘tkazish;
- agar korxona yoki tashkilotning biron bir xodimida quruq yo‘tal, isitma, holsizlik va shunga o‘xshash klinik belgilar aniqlansa, darhol “103” raqamiga qo‘ng‘iroq qilish.
Izoh (0)