“Real” himoyachisi Marselo jarohat oldi. Bu haqda madridliklar rasmiy saytida ma’lum qilindi.
Ta’kidlanishicha, 32 yoshli futbolchi son mushaklarini shikastlab olgan. Rasmiy bayonotda tiklanishga qancha vaqt ketishi ochiqlanmagan.
Marca xabariga ko‘ra, tiklanishga taxminan uch hafta vaqt ketadi. Shu tariqa Marselo La Liga joriy mavsumining qolgan qismini o‘tkazib yuboradi. Biroq futbolchi avgust oyida bo‘lib o‘tadigan Chempionlar Ligasi bahslariga qadar tiklanishi mumkin.
Joriy mavsum Marselo “Real” safida o‘yin o‘tkazib, ikki gol va beshta golli uzatma muallifiga aylandi.
Mavzuga doir: Zinedin Zidan “Real”ning navbatdagi o‘yin uchun qaydnomasini e’lon qildi. Ro‘yxatda 4 nafar asosiy himoyachi yo‘q
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)