Habibulla Oqilov: Hududlar yetarli miqdordagi test sistemalari bilan ta’minlangan

Respublikaning barcha hududlari koronavirusga test tahlili o‘tkazish uchun zarur bo‘lgan test-sistemalar bilan ta’minlangan. Bu haqda Sog‘liqni saqlash vazirligi huzuridagi Koronavirusga qarshi kurash shtabi a’zosi, professor Habibulla Oqilov AOKAda o‘tkazilgan brifingda ma’lum qilgan.

Jumladan, Sanitariya-epidemiologiya nazorati inspeksiyasi va uning hududiy markazlari, Respublika OITSga qarshi kurash markazi va uning hududiy filiallari, Virusologiya ilmiy-tekshirish instituti yetarli miqdorda ta’minlangani qayd etildi.

Shuningdek, Maxsus komissiya tomonidan kerakli sharoitlarga ega bo‘lgan xususiy sektorda faoliyat ko‘rsatuvchi laboratoriyalarga ham koronavirusni aniqlovchi polimeraz zanjir reaksiyasi (PZR), immunoferment tahlil (IFA) va IXLA tahlillarini o‘tkazish huquqi berilgani qayd etildi.