“Manchester Yunayted” yarim himoyachisi Brunu Fernandesh Angliya Premyer Ligasining iyun oyidagi eng yaxshi o‘yinchisi deb topildi.
Portugaliyalik futbolchi “Manchester Yunayted”ning iyun oyidagi uchta o‘yinida 3 ta gol va bitta golli uzatmaga mualliflik qildi.
25 yoshli futbolchi ketma-ket ikki bor oyning eng yaxshisi nomiga loyiq ko‘rildi. Undan avval mazkur ko‘rsatkichni faqat olti nafar futbolchi qayd etgan: Muhammad Saloh, Jeymi Vardi, Harri Keyn, Krishtianu Ronaldu, Dennis Bergkamp va Robbi Fauler.
Shuningdek, ushbu sovringa quyidagi futbolchilar da’vogarlik qilgandi:
Antoni Marsyal (“Manchester Yunayted”) — 3 o‘yinda 3 gol va 1 golli uzatma;
Konor Koudi (“Vulverhempton”) — 3 ta quruq o‘yin;
Raul Ximenes (“Vulverhempton”) — 3 o‘yinda 2 ta gol;
Allan Sen-Maksimen (“Nyukasl”) — 2 o‘yinda 1 gol;
Denni Ingz (“Sauthempton”) — 3 o‘yinda 3 ta gol va 1 golli uzatma.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)